काठमाडौं । आज शेयर बजार नेप्शे परिसूचक ३४ दशमलव १७ प्रतिशतले बृद्धि भई २०२० दशमलव ६४ को विन्दुमा कायम भएको छ । आज कुल ४ अर्ब १२ करोड ६६ लाख ९५ हजार रुपैयाँको शेयर कारोबार हुँदा सबैभन्दा धेरै वेन नेपाल लघुवित्त वित्तीय संस्था लिमिटेडका लगानीकर्ताले कमाएका छन् । आज कम्पनीको शेयरमा सकारात्मक सर्किट लाग्दै प्रति शेयर मूल्य ८८० रुपैयाँ कायम भएको छ ।
यसैगरी, आज भुगोल इनर्जी डेभलपमेन्ट कम्पनीको शेयर ९(९७ प्रतिशतले बृद्धि हुँदा प्रति शेयर मूल्य २९६ रुपैयाँ कायम भएको छ । सिटि होटलको शेयर ९.९७ प्रतिशतले बृद्धि हुँदा प्रति शेयर मूल्य १४७ रुपैयाँ कायम भएको छ भने आज हिमालयन डिष्टिलरीको शेयर ८.८० प्रतिशतले बृद्धि हुँदा प्रति शेयर मूल्य २ हजार २२५ रुपैयाँ कायम भएको छ ।
