काठमाडौं । धनकुटाको हिले १ मा निर्धन उत्थान लघुवित्तको ३ दिने आधारभुत व्यवसायिक तरकारी खेती तालिम सम्पन भएको छ । निर्धन उत्थान लघुवित वितिय संस्था लिमिटेड हिले शाखाको आयोजनामा जेठ २५ गते देखि जेठ २७ गते सम्म हिले १ स्थित होटल टुरिजमको सभा हलमा तालिम सम्पन भएको हो ।
कार्यक्रम को प्रमुख अतिथी धनकुटा नगरपालिका मेयर चिन्तन तमाङले लघुवित विरुद्ध भईरहेको संयन्त्रको वारेमा प्रकाश पार्नुको साथै शुभकामना मन्तव्य राखे । कार्यक्रम संयोजक तथा शाखा प्रबन्धकको रुपमा बैजनाथ शर्मा र तालिम प्रशिक्षकको रुपमा कूष्ण पौडेलले तालिममा प्रशिक्षण दिएका थिए ।
उक्त तालिम सदस्हरुको आयस्तर तथा क्षमता अभिबृद्धि गर्ने उदेश्यले संचालन गरिएको हिले शाखाले जनाएको छ । तालिममा सदस्य तथा अभिभावक गरी ३३ जनाको सक्रिय सहभागिता रहेको थियो । जसमा १ जना अभिभावक र ३२ जना सदस्य थिए । सदस्यहरुको गुनासो क्षेत्रिय कार्यलय बिर्तामोडको क्षेत्रिय प्रमुख शंकर प्रसाद न्यौपानेले सम्बोधन गरे ।
