काठमाडौं । नेपाल राष्ट्र बैंकले बैंक दर १ प्रतिशत विन्दुले घटाएर ७.५ प्रतिशत कायम गरेको छ । चालु आर्थिक वर्षको तेस्रो त्रैमाशिक अवधिको मौद्रिक समिक्षाका क्रममा राष्ट्र बैंकले नीतिगत दरलाई भने यथावत गरेको छ ।
मौद्रिक नीतिको अंकुशको रुपमा रहेको नेपाली र भारतीय मुद्राबीचको स्थिर विनिमयदर र बाह्य क्षेत्रतर्फको चालु खाता पूर्ण रुपमा परिवत्र्य रहेको सन्दर्भमा विदेशी विनिमय सञ्चितिले आयात धान्न सक्ने क्षमता, मौद्रिक नीतिका उद्देश्यहरुकोसम्भावित परिदृश्य, छिमेकी देशको नीतिगत दर र दुवै मुलुकबीच कायम रहेको मुद्रास्फीतिबीचको अन्तरलाई मध्यनजर गरी नीतिगत दरलाई ७ प्रतिशतमा यथावत राख्दै विद्यमान बैंक दरलाई १ प्रतिशत बिन्दुले घटाई ७.५ प्रतिशत कायम गरिएको छ । ब्याजदर करिडोर अन्तर्गतका अन्य दरहरुलाई यथावत राखिएको छ ।
