काठमाडौं । नेपाल ऊनी फेल्ट उत्पादक तथा निर्यात संघको १४ औं वार्षिक साधारणसभा हुने भएको छ । संघले यहि चैत १६ गते विहिवार साँझ ५ बजे सिल्भर ओक ब्याक्वेट एण्ड इभेन्ट सेन्टर गैरिधारामा सभा आयोजना गर्ने भएको हो ।
संघका अनुसार उपप्रधान मन्त्री, भौतिक पूर्वाधार तथा यातायात मन्त्री नारायणकाजीको प्रमुख आतिथ्यतामा सभा संचालन हुने छ । साथै सरकारी तथा गैरसरकारी संस्थाका उच्च पदस्थ व्यक्तिहरु, नीजि क्षेत्रका एवं उद्योगी व्यापारीहरुको उपस्थिति रहने संघले जनाएको छ ।
स्वदेशी उत्पादनलाई राष्ट्रिय तथा अन्तराष्ट्रिय बजारमा प्रवद्र्धन गर्ने उदेश्यले स्थापित भएको यस संघले ऊनी जन्य वस्तु उत्पादन गरि तेश्रो मुलुकमा निर्यात गर्दै आइरहेको छ । नेपालबाट झन्डै ५ अर्ब बराबरको ऊनी फेल्टजन्य वस्तु निर्यात हुने गरेको छ भने हजारौं नेपालीले रोजगारी समेत पाउँदै आएका छन् ।
