काठमाडौं : माैसमी परिवर्तनसँगै पुनः काेराेना १९ महामारीकाे संक्रमण फैलिन थालेकाे छ। सुदूरपश्चिममा १० दिन अघि देखा परेकाे संक्रमण मुलुककाे अन्य भूभागमा समेत देखिन थालेकाे छ।
स्वास्थ्य तथा जनसंख्या मन्त्रालयका अनुसार साेमबार प्रयाेगशालामा र्याल परीक्षण गरिएका १ हजार २ सय ६६ मध्ये ६९ जनामा काेराेना भाइरसकाे संक्रमण देखा परेकाे छ । आइतबार यो संख्या १६ रहेको थियो । चैत्र महिनामा पहिलाे पटक गत २ गते १७ जनामा संक्रमण देखिएको थियो ।
दिल्ली,हरियाणा, गुजरात, पञ्जाब लगायतका भारतीय राज्यमा श्रम गरेर धनगढी नाकाबाट घर फर्किएका नेपाली कामदारसँगै राेगकाे संक्रमण भित्रिएकाे राेग नियन्त्रण महाशाखाले जानकारी दिएकाे छ। स्वास्थ्य मन्त्रालयले सावधानी अपनाउन र कोभिड-१९ खोपको बुस्टर डोज लिन आग्रह गरेको छ।
