काठमाडौं । कृषि विकास बैंकको प्रमुख कार्यकारी अधिकृत (सीईओ) पदका लागि आवेदन दिने मध्येबाट ५ जनाको नाम सर्ट लिष्टिङ गरिएको छ । बिहीबार साँझ बसेको बैंक संचालक समिति बैठकले ५ जना सर्ट लिष्ट गरेको हो । बैंकले गरेको सर्टलिष्टको पहिलो नम्बरमा सिभिल बैंकका पुर्व अध्यक्ष गोविन्द गरुङको नाम पहिलो नम्बरमा रहेको छ ।
सर्टलिष्टमा पर्नेमा कृषि विकास बैंकबाटै निमित्त सीइओ प्रताप सुवेदी, बैंककै डिजिएम यज्ञ प्रकाश न्यौपाने रहेका छन् । हाल राष्ट्रिय सहकारी बैंकका सिईओ रहेका बद्रीप्रसाद गुँरागाई, नेपाल एसबिआई बैंका डिसिइओ विष्णुदेव यादव पनि सर्टलिष्टमा परेका छन् ।
सीईओ पदका लागि २२ जनाको आवेदन परेको थियो । सर्टलिष्टमा परेकाहरुको भोलि (शनिवार) अन्तरवार्ता रहेको छ । कृषि विकास बैंकका तत्कालीन सीईओ अनिल उपाध्यायको कार्यकाल सकिएपछि रिक्त रहेको सीर्इओ पदका लागि १ महिनाअघि दरखास्त आह्वान गरेको थियो ।
गुरुङ सिभिल बैंक छाडेर म्यानमार सिटिजन बैंकको सिइओ पदमा नियुक्त भएका थिए । उनि उक्त बैंकको जागिर छाडेर नेपाल फर्किसकेका छन् । कृषि विकास बैंकमा उनको आवेदन पर्ने वित्तीकै कृषि विकास बैंकको सिइओमा गुरुङ नै हुने आकलन गरिएको छ ।
