काठमाडौं । यूनियन लाइफ इन्स्योरेन्स कम्पनीका प्रमुख कार्यकारी अधिकृत मनोजलाल कर्णको दोस्रो कार्यकालमा तलब सुविधा घटेको छ । उनको कार्यकाल थप्ने समयमा कम्पनीले साविक तलब सुविधा भन्दा घटाएको पाइएको छ ।
कर्णले अघिल्लो आर्थिक वर्ष २०७७/७८ मा ८२ लाख ५ हजार रुपैयाँ प्राप्त गरेका छन् । जवकी यस भन्दा अगाडीको आर्थिक वर्षमा उनको वार्षिक तलब सुविधा ८४ लाख १२ हजार थियो । कम्पनीले सार्वजनिक गरेको लेखापरीक्षण प्रतिवेदनमा उनको कार्यकाल थप हुँदा ग्रेड घटेकोले तलव सुविधा घटाइएको उल्लेख गरिएको छ ।
कर्णले अघिल्लो आर्थिक वर्ष २०७७/७८ मा नियम अनुसार पाउने कर्मचारी बोनस भने पाएका छैनन् । यो रकम प्राप्त गरे पछि उनको यस आर्थिक वर्षमा बुझेको जम्मा रकममा बृद्धि हुनेछ । जवकी कर्णले यस भन्दा अगाडी ९१ लाख ८ हजार रुपैयाँ प्राप्त गरेका थिए । उनले तलब सुविधा बापत ८४ लाख १२ हजार, कर्मचारी बोनस बापत ६ लाख ७२ हजार, जीवन बीमा बापत २० हजार १५१ रुपैयाँ प्रिमियम, दुर्घटना बीमा बापत ३१५ रुपैयाँ प्रिमियम र स्वास्थ्य बीमा बापत ३२०० रुपैयाँ प्रिमियम कम्पनीले उल्लब्ध गराएको छ ।
