काठमाडौं । आज शेयर बजार बढेको छ । हिजो पनि बढेको बजार आज पनि दोहोरो अंकले बढेको हो । आज नेप्से परिसूचक १० दशमलव ३७ अंकले बढेर २,१८३ दशमलव ६२ को विन्दुमा कायम भएको छ । आज १५९ कम्पनीको शेयर मुल्य बढेको छ भने ४६ कम्पनीको शेयर मुल्य घटेको छ ।
आज सबैभन्दा धेरै ग्रिन लाइफ हाइड्रोपावर कम्पनी र आदर्श लघुवित्त वित्तीय संस्थाका लगानीकर्ताले कमाएका छन् । यी कम्पनीका लगानीकर्ताले १० प्रतिशतका दरले कमाएका हुन् । सानिमा जिआइसी कम्पनीका लगानीकर्ताले ९ दशमलव ९९ प्रतिशतका दरले कमाएका छन् । सूर्याज्योति लाइफका लगानीकर्ताले पनि ९ दशमलव ९९ प्रतिशतका दरले कमाएका छन् ।
त्यसैगरी आज सबैभन्दा धेरै आरबीबी म्युचुअल फण्ड १ का इकाईधनीले गुमाएका छन् । यी फण्डका इकाईधनीले ५ दशमलव ७० प्रतिशतका दरले गुमाएका छन् । जानकी फाइनान्स कम्पनीका लगानीकर्ताले ३ दशमलव ८६ प्रतिशतका दरले गुमाएका छन् ।
