काठमाडौं । आज साताको दोस्रो दिन पनि शेयर बजार बढेको छ । आज शेयर बजार नेप्से परिसूचक १७ दशमलव ५६ अंकले बढेर २,०६३ दशमलव ८३ को विन्दुमा कायम भएको छ । आज २ अर्ब ९६ करोड ९ लाख २७ हजार रुपैयाँको शेयर कारोबार हुँदा १६५ कम्पनीको शेयर मुल्य बढेको छ भने ३९ कम्पनीको शेयर मुल्य घटेको छ ।
आज सबैभन्दा धेरै धौलागिरी लघुवित्त वित्तीय संस्था र सिर्जनशिल लघुवित्तका लगानीकर्ताले कमाएका छन् । यी कम्पनीका लगानीकर्ताले १० प्रतिशतका दरले कमाएका छन् । खप्तड लघुवित्त वित्तीय संस्थाका लगानीकर्ताले ९ दशमलव ९९ प्रतिशतका दरले कमाएका छन् ।
आज सबैभन्दा धेरै एनएमबि ५० का इकाईधनीले गुमाएका छन् । यसका इकाईधनीले ४ दशमलव ८० प्रतिशतका दरले गुमाएका हुन् ।
