काठमाडौं । आईसीएफसी फाइनान्स पुस २९ गते ले साधारणसभा आह्वान गरेको छ । कम्पनीले कालिकास्थान स्थित अमृतभोगमा सभा आह्वान गरेको हो ।
कम्पनीले आर्थिक वर्ष २०७८/७९ को मुनाफाबाट शेयरधनीलाई हाल कायम चुक्ता पुँजीको ५ प्रतिशत बोनश शेयर र कर प्रयोजनका लागिसमेत ५ प्रतिशत नगद लाभांश गरि कुल १० प्रतिशत लाभांश बितरण गर्ने प्रस्ताव गरेको छ । साधारण सभाले उक्त प्रस्ताव पारित गरेको छ ।
आर्थिक वर्ष २०७८ /७९ को संचालक समितिको बार्षिक प्रतिवेदन उपर छलफल गरी पारित गर्ने, लेखापरीक्षकको प्रतिवेदन सहितको २०७९ आषाढ मसान्तसम्मको वासलात तथा सोही मितिमा समाप्त भएको आर्थिक वर्ष २०७८/ ७९ को नाफा नोक्सान हिसाब तथा नगद प्रवाह विवरण स्वीकृत गर्नेछ ।
सभाले कम्पनी ऐन, २०६३ को दफा १११ अनुसार आर्थिक वर्ष २०७९ / ८० को लागि बाह्य लेखा परीक्षक नियुक्त गर्ने र निजको पारिश्रमिक निर्धारण गर्ने । ९बैंक तथा वित्तिय संस्था सम्बन्धी ऐन, २०७३ को दफा ६३ (२) को प्रतिबन्धात्मक वाक्यांश अनुसार बर्तमान लेखापरीक्षक श्री एस.ए.आर एण्ड एसोसिएट्स पुनः नियूक्ति नहुने प्रस्ताव पारित गर्नेछ ।
कम्पनीको प्रबन्धपत्रको प्रस्तावित संशोधनमा नियमनकारी निकायबाट कुनै फेरवदल सुझाव भएमा सो अनुसार आवश्यक फेरवदल गर्न सञ्चालक समितिलाई अख्तियारी दिन स्वीकृत गर्नेछ ।
कम्पनीले साधारणसभा प्रयोजनको लागि पुस १९ गतेदेखि पुस २९ गतेसम्म बुक क्लोज गर्ने निर्णय गरेको छ । पुस १८ गते सम्म कायम शेयरधनीले मात्र सभामा भाग लिन र प्रस्तावित लाभांश पाउनेछन् ।
