काठमाडौं । प्रभु लाइफ इन्स्योरेन्स र महालक्ष्मी लाइफ इन्स्योरेन्स मर्जर प्रक्रियामा छन् । प्रभु लाइफ आईपिओ निष्काशन गरिसकेको कम्पनी हो । महालक्ष्मी लाइफले आईपिओ निकालेको छैन । दुवै कम्पनीले चालु आर्थिक वर्ष ७९/८० को प्रथम त्रैमासको वित्तीय विवरण सार्वजनिक गरेको अवस्थामा इन्स्योरेन्स खबरले गरेको तुलनात्मक अध्ययन:
चुक्ता पूँजीको आधारमा : कम्पनीहरुले प्रकाशन गरेको आर्थिक वर्ष ७९/८० को प्रथम त्रैमासको वित्तीय विवरणको आधारमा प्रभु लाइफ इन्स्योरेन्सको चुक्ता पूँजी रु. २ अर्ब रहेको छ भने महालक्ष्मी लाइफ इन्स्योरेन्सको चुक्ता पूँजी रु. २ अर्ब १० करोड रहेको छ ।
जगेडा कोषको आधारमा : प्रभु लाइफ इन्स्योरेन्सको जगेडा कोषमा रु. ५२ करोड ७५ लाख संचित छ भने महालक्ष्मी लाइफ इन्स्योरेन्सको जगेडा कोषमा रु. ३१ करोड ७४ लाख संचित छ।
जीवन बीमा कोषको आधारमा : जीवन बीमा कम्पनीहरुको लागि जीवन बीमा कोषको निकै महत्व रहेकोमा प्रभु लाइफ इन्स्योरेन्सको जीवन बीमा कोषमा रु. ३ अर्ब २४ करोड हुँदा महालक्ष्मी लाइफ इन्स्योरेन्सको जीवन बीमा कोषमा रु. २ अर्ब ४० करोड रहेको छ ।
बीमा शुल्क आर्जन : प्रभु लाइफले चालु आर्थिक वर्षको प्रथम त्रैमाससम्म रु. ५१ करोड २१ लाख खुद बीमा शुल्क आर्जन गरेको छ भने महालक्ष्मी लाइफ इन्स्योरेन्सले रु. ३९ करोड ८४ लाख खुद बीमा शुल्क आर्जन गरेको छ ।
खुद नाफाको आधारमा : प्रभु लाइफले चालु आवको तीन महिनाको अवधिमा रु. ३ करोड ३९ लाख खुद मुनाफा गरेकोमा महालक्ष्मी लाइफ इन्स्योरेन्सको खुद मुनाफा रु. ३ करोड २६ लाख रहेको छ । यद्यपि, जीवन बीमा कम्पनीहरुको हकमा भने एक्चुअरी मुल्यांकन हुन बाँकी भएकाले खुद नाफा एक्चुअरी मुल्यांकन पश्चात मात्र वास्तविक आउने छ ।
दावी भुक्तानीको आधारमा : आर्थिक वर्ष ७९/८० को पहिलो त्रैमाससम्म प्रभु लाइफले रु. २१ करोड ६ लाख खुद दावी भुक्तानी गर्दा महालक्ष्मी लाइफले रु. ६ करोड २९ लाख रुपैयाँ खुद दावी भुक्तानी गरेको छ ।
भुक्तानी हुन् बाँकी दावी : प्रभु लाइफको रु. ५० लाख भुक्तानी गर्न बाँकी दावी हुँदा महालक्ष्मी लाइफले रु. २ करोड १० लाख दावी भुक्तानी गर्न बाँकी देखिन्छ ।
