काठमाडौं । आरएसडिसी लघुवित्त वित्तिय सस्था चालु आर्थिक वर्ष ७९/८० को प्रथम त्रैमासको वित्तीय विवरण सार्वजनिक गर्ने पहिलो कम्पनी बनेको छ । चालु आर्थिक वर्षको प्रथम त्रैमाससम्म लघुवित्तले ३ करोड ८२ लाख खुद नाफा आर्जन गर्न सफल भएको छ । गत आर्थिक वर्षको प्रथम त्रैमासमा १ करोड ८९ लाख नाफा कमाएको थियो । समिक्षा अवाधिमा आरएसडिसी लघुवित्तको नाफा शत प्रतिशत भन्दा धेरैले वृद्धि भएको छ ।
प्रमुख आम्दानीको स्रोतको रुपमा रहेको खुद व्याज आम्दानी ११९ प्रतिशतले वृद्धि भएको छ । गत आर्थिक वर्षको पहिलो त्रैमाससम्म ३ करोड ४८ लाख खुद व्याज आम्दानी गरेको कम्पनीले चालु आर्थिक वर्षको पहिलो त्रैमाससम्म ७ करोड ६५ लाख खुद व्याज आम्दानी गरेको छ ।
८० करोड ५१ लाख चुक्ता पुँजी भएको कम्पनीको जगेडामा ९ करोड ७४ लाख रहेको छ भने रिटेण्ड अरनिङ्ग्समा ११ करोड ९५ लाख रहेको छ । चालु आर्थिक वर्षको तीन महिनासम्म कम्पनीको वितरणयोग्य नाफा ३ करोड १० लाख रहेको छ । ५ अर्ब ४१ करोड सापटी लिएको लघुवित्तले ६ अर्ब ३५ करोड कर्जा प्रवाह गरेको छ ।
प्रकाशित तथ्याङ्क अनुसार कम्पनीको वार्षिक प्रति शेयर आम्दानी १८ रुपैयाँ ९९ पैसा र प्रति शेयर नेट्वर्थ १२६ रुपैयाँ ९६ पैसा छ । खराब कर्जा भने सामान्य वृद्धि हुँदै शून्य दशमलव ६० प्रतिशत पुगेको छ । एक वर्ष अघिसम्म खराब कर्जा शून्य दशमलव २८ प्रतिशत थियो ।
