काठमाडौं । सोल्टी होटलले लाभांश घोषणा सहित साधारणसभाको मिति तय गरेको छ । होटलले हाल कायम चुक्ता पूँजीको २१.३१ प्रतिशत नगद लाभांश र ५ प्रतिशत बोनस शेयर दिने घोषणा गरेको छ ।
असोज ३१ गते बसेको सञ्चालक समितिको बैठकले पुस २८ गते विहान ११ बजे प्रज्ञा प्रतिष्ठानमा ४८ औ वार्षिक साधारणसभा गर्ने भएको छ । साधारणसभा प्रयोजनका लागि पुसा ७ गतेदखि पुस २८ गतेसम्म बुक क्लोज गर्नेछ ।
होटलले प्रस्ताव गरेको लाभांश पुस ६ गतेसम्म कायम शेयरधनीहरुले प्राप्त गर्न सक्ने छन् । होटलको हालको चुक्ता पूँजी ८४ करोड २५ लाख रुपैयाँ छ । प्रस्तावित बोनस शेयर वितरण पछि चुक्ता पूँजी ८८ करोड ४६ लाख रुपैयाँ पुग्नेछ ।
विगतका वर्षमा बोनस शेयरलाई बढि प्राथमिकता दिदै आएको होटलले यस वर्ष भने नगद लाभांशलाई बढि प्राथमिकता दिएको छ । कोभिड १९ कारण आर्थिक वर्ष २०७५/७६ पछि लाभांश दिन सकेको थिएन ।