काठमाडौं । राष्ट्रिय बीमा कम्पनीका नव नियुक्त प्रमुख कार्यकारी अधिकृत शेखर बरालले आजदेखि आफ्नो कार्यभार सम्हालेका छन् । भाद्र २३ गते बसेको सञ्चालक समितिको बैठकले बराललाई आजदेखि लागु हुने गरी आगामी चार वर्षका लागि प्रमुख कार्यकारी अधिकृतमा नियुक्त गरेको थियो ।
कम्पनीको सञ्चालक समितिले बराललाई प्रमुख कार्यकारी अधिकृतमा नियुक्तिको लागि बीमा समिति समक्ष स्वीकृतका लागि पेश गरेको थियो । उक्त प्रस्ताव बीमा समितिले सोमबार (आज) नै बराललाई सिईओ नियुक्ती गर्न राष्ट्रिय बीमा कम्पनीको सञ्चालक समितिले गरेको सिफारिस सदर गरेको थियो।
बरालले रणनीति बनाएर अगाडी बढ्ने र आफ्नो प्राथमिकतामा बाँकी रहेका आर्थिक वर्षहरुको लेखापरीक्षण गर्ने र साधारणसभा ६ महिना भित्र सक्ने मुख्य काम रहेको जानकारी दिए ।
बीमा र बैङ्किङ्ग क्षेत्रमा २५ वर्ष भन्दा बढी अनुभव हासिल गरेका बरालसँग सुर्य लाइफ, लुम्बिनी जनरल र युनाईटेड इन्स्योरेन्समा प्रमुख कार्यकारी अधिकृतको जिम्मेवारी सम्हालिसकेको अनुभव छ। स्ट्याण्डर्ड चार्टर्ड बैंकबाट करियर सुरु गरेका बरालले त्रिभुवन विश्व बिद्यालयबाट एमबीए गरेका छन् ।
राष्ट्रिय बीमा कम्पनीको सिइओमा शेखर बरालको नियुक्तिलाई बीमा समितिले दियो स्वीकृति
