काठमाडौं । एनएलजी इन्स्योरेन्स कम्पनीको मुनाफा २० प्रतिशतले घटेको छ । चालु आर्थिक वर्षको तेस्रो त्रैमाशिक अवधिमा कम्पनीले १७ करोड ८० लाख रुपैया मुनाफा आर्जन गरेको छ । गत वर्षको यहि अवधिमा भने २२ करोड ३१ लाख रुपैयाँ थियो ।
खुद बीमा शुल्क आर्जनमा गिरावट देखिए पनि कुल बीमा शुल्क आर्जनमा भने समान्य सुधार देखिएको छ । कम्पनीले समिक्षा अवधिमा कुल बीमा शुल्क आर्जन एक अर्ब ७७ करोड रुपैयाँ आर्जन गरेक छ । गत वर्षको यहि अवधिमा कम्पनीले एक अर्ब ६९ करोड रुपैया आर्जन गरेको थियो ।
गत वर्षको यहि अवधिमा ३८ करोड १३ लाख रुपैया दाबी भुक्तानी गरेकोमा यस वर्ष ४१ करोड १२ लाख रुपैयाँ भुक्तानी गरेको छ । तर यस वर्ष बाँकी दाबी भुक्तानीमा उल्लेख्य बृद्धि भएको छ । कम्पनीले एक अर्ब ७५ करोड रुपैयाँ दाबी भुक्तानी गर्न बाँकी छ ।
चुक्ता पूँजी एक अर्ब २० करोड रुपैयाँ रहेको छ भने जगेडा कोषमा ३९ करोड ९८ लाख रुपैया रहेको छ । प्रतिशेयर आम्दानी १८ रुपैयाँ रहेको कम्पनीको प्रतिशेयर नेटवर्थ भने २२९ रुपैयाँ छ ।
