काठमाडौं । नयाँ सारथी लघुवित्त वित्तीय संस्था लिमिटेडले चालु आर्थिक वर्ष २०७८/७९ को दोश्रो त्रैमाससम्मको अपरिष्कृत वित्तिय विवरण प्रकाशित गरेको छ । चालु आर्थिक वर्षको दोश्रो त्रैमाससम्म आइपुग्दा संस्थाको नाफा ४ करोड ६३ लाख १२ हजार रुपैयाँ नाफा कमाएको छ ।गत वर्षको सोही अवधिको तुलनामा कम्पनीको नाफा ९ दशमलव ५४ प्रतिशतले थोरै हो । गत वर्षको सोही अवधिमा संस्थाले ५ करोड ११ लाख ९८ हजार रूपैयाँ खुद नाफा आर्जन गरेको थियो ।
समिक्षा अवधिसम्म संस्थाको खुद व्याज आम्दानी भने १४ दशमलव २९ प्रतिशतले बढेर १३ करोड २८ लाख ५ हजार रूपैयाँ पुगेको छ । गत वर्षको यसै अवधिमा संस्थाको खुद व्याज आम्दानी ११ करोड ६१ लाख ९८ हजार रूपैयाँ रहेको थियो ।
दोश्रो त्रैमाससम्म आइपुग्दा संस्थाले ७ करोड ७५ लाख ६९ हजार रूपैयाँ सञ्चालन मुनाफा गरेको छ । संस्थाको चुक्ता पुँजी २५ करोड ४९ लाख ५४ हजार रुपैयाँ र जगेडा कोषमा २७ करोड ७५ लाख ४६ हजार रुपैयाँ सञ्चित रहेको छ ।
यस अवधिमा संस्थाको वार्षिक प्रतिशेयर आम्दानी ३६ रुपैयाँ ३४ पैसा र प्रतिशेयर नेटवर्थ २०८ रुपैयाँ ८६ पैसा रहेको छ ।
