काठमाडौं । नेपाल राष्ट्र बैंकले शाखारहित बैंकिङ सेवा तथा आधिकारिक प्रतिनिधि सम्बन्धी व्यवस्थाका लागि नयाँ निर्देशन जारी गरेको छ । भुक्तानी तथा फर्स्यौट ऐन २०७५ को दफा ४५ ले दिएको अधिकार प्रयोग गरि राष्ट्र बैंकले यस्तो निर्देशन जारी गरेको छ ।
बैंक तथा वित्तीय संस्थाले शाखा रहित बैंक सेवाका लागि स्वयम् वा आधिकारिक प्रतिनिधि एजेन्ट खटाउने पाउने भएका छन् । बैंक तथा वित्तीय संस्थाले शाखा रहित बैंकिङ सेवा सञ्चालन गर्दा यस बैंकको भुक्तानी प्रणाली विभागलाई जानकारी दिनुपर्नेछ । बैंकहरुले यस्तो सेवा उप महानगर तथा महानगरपालिका बाहेकका स्थानीय तहमा मात्रै प्रवाह गर्न पाउने छन् ।
शाखा रहित बैंकिङ सेवा अन्तर्गत खातामा नगद जम्मा गर्ने, भुक्तानी प्रदान गर्ने र रकमान्तर गर्ने, ग्राहकको खाताको मौज्दात वा कारोबार विवरण प्रदान गर्ने र स्वीकृत कर्जा रकम भुक्तानी दिने तथा किस्ता रकम जम्मा गर्न मात्रै पाइने छ । यस्तो सेवा अन्तर्गत नेपाली रुपैयाँको मात्रै कारोबार गर्न पाइनेछ ।
यस्तो छ निर्देशन
