काठमाडौं । माघ २१ गते शुक्रबार(आज) देखि जाल्पा सामुदायिक लघुवित्तले आईपीओ निष्काशन गर्दैछ । कम्पनीले एक सय अङ्कित दरका ५ लाख २२ हजार कित्ता साधारण शेयर मध्ये ८ हजार कित्ता शेयर कर्मचारीहरु तथा सर्वसाधारणलाई छुट्याइएको शेयर मध्येको २६ हजार १०० कित्ता शेयर सामूहिक लगानी कोषका लागि र बाँकी रहने ४ लाख ८७ हजार ९०० कित्ता साधारण शेयर सर्वासाधारणलाई निस्काशन गर्दै छ ।
कम्पनीको आहवान पत्र अनुसार कम्पनीले उठाउने ५ करोड २२ लाख रुपैयाँ चार शीर्षकमा लगानी गर्ने योजना बनाएको छ । ५० लाख भौतिक पूर्वाधार तथा शाखा विस्तार, २ करोड पशुपालन तथा कृषी कर्जा अर्को २ करोड खुद्रा व्यापार र सेवा कर्जा र ७२ लाख रुपैयाँ साना तथा घरेलुउद्योग कर्जा शीर्षकमा प्रयोग गर्ने छ ।
आईपीओ माघ २१ गते देखि माघ २५ गते सम्म खुल्ने छ । माघ २५ गते बैंकिङ्ग समय पश्चात आवेदन दिन सकिने छैन । यदि माघ २५ गते सम्म पनि सम्पूर्ण शेयर कित्तामा आवेदन नपरेको अवस्थामा फागुन ६ गते सम्म समय थपिने छ । विगत देखिको तथ्याङ्क अनुसार समय थपिने सम्भावना एकदमै न्यून जस्तै छ ।
