काठमाडौं । बीमा समितिले इन्जिनियरिङ बीमाको लागि न्युनतम ‘ट्यारिफ रेट’ तोकिदिएसँगै ६७ प्रतिशतले बीमा शुल्क बढेको छ । बीमा समितिले असोज पहिलो साता नन ट्यारिफ व्यवसायको न्युनतम दर निर्धाण गरिदिएको थियो ।
निर्माण व्यवसाय ‘ठेकेदार’हरुले हाइड्रोपावर, सडक, आवासिय तथा व्यवसायिक भवन अफिस, स्कुल, विश्वविद्यालय, होटल, रेष्टुरेन्ट, हस्पिटल, एयरपोर्ट, भवन लगायतको बीमा गर्दा एकदमै न्युनतम दरमा बीमा गर्ने प्रचलन थियो । कतिपय अवस्थामा बीमा कम्पनीहरुले सित्तैमा बीमा गर्नेसम्मको अवस्था थियो । एउटाको व्यवसाय अर्कोले खोस्नेदेखि लिएर टार्गेट पुरा भएको देखाउन समेत यसलाई माध्यम बनाइएको थियो । जसले गर्दा यस्ता विजनेसहरु पुनर्बीमा समेत गर्न नपुग्ने शुल्कमा भैइरहेको थियो ।
निर्जीवन बीमा कम्पनीहरुले चालु आर्थिक वर्षको पहिलो त्रैमाशिक अवधिमा ९ अर्ब ४९ करोड रुपैयाँ आर्जन गरेका छन् । जस मध्ये इन्जिनियरिङ बीमा मार्फत एक अर्ब १३ करोड रुपैयाँ बीमा शुल्क आर्जन गरेका छन् । यस आधारमा इन्जिनियरिङ बीमा व्यवसायको बजार हिस्सा १२ प्रतिशत पुगेको छ ।
गत आर्थिक वर्षको पहिलो त्रैमाशिक अवधिमा निर्जीवन बीमा कम्पनीहरुले ८ अर्ब ३० करोड रुपैयाँ बीमा शुल्क आर्जन गरेका छन् । इन्जिनियरिङ व्यवसाय मार्फत ६७ करोड ९२ लाख रुपैयाँ बीमा शुल्क आर्जन गरेका थिए । जसको बजार हिस्सा ८ प्रतिशत थियो ।
अन्य व्यवसायमा खासै सुधार देखिदैन । तर यस वर्ष इन्जिनियरिङ सँगै मोटर बीमाको व्यवसायमा पनि सुधार भएको छ । तीन महिनाको अवधिमा कम्पनीहरुले मोटर बीमा मार्फत तीन अर्ब ७४ करोड रुपैयाँ आर्जन गरेका छन् । जसको बजार हिस्सा ३९ प्रतिशत छ । गत वर्ष मोटर बीमाको बजार हिस्सा ३७ प्रतिशत थियो ।
कुन क्षेत्रमा कति
