काठमाण्डौं । चार वर्ष अगाडी १० नयाँ जीवन बीमा कम्पनीहरुले अनुमति पाए सँगै ज्योति लाइफ, सानिमा लाइफ, रिलायन्स लाइफ, युनियन लाइफ र प्रभु लाइफले आइपीओ निस्काशन गरेको अवस्थामा अझै ५ जीवन बीमा कम्पनीहरुले निकट भविष्यमा आइपीओ निस्काशन गर्ने छन्।
सिटिजन लाइफ, रिलायबल नेपाल लाइफ , आइएमई लाईफ, सन नेपाल लाइफ र महालक्ष्मी लाइफले चाडैं आईपीओ निस्काशन गर्दै छन्।
५ जीवन बीमा कम्पनीलाई दाँजेर हेर्दा :
चुक्ता पुँजीको आधारमा :
५ कम्पनी मध्ये सिटिजन लाइफ इन्स्योरेन्सको चुक्ता पुँजी सर्वाधिक १ अर्ब ७५ करोड छ भने अरु बाँकी ४ जीवन बीमा कम्पनीहरुको चुक्ता पुँजी १ अर्ब ४० करोड छ। बीमा समितिको अनुसार जीवन बीमा कम्पनीको न्युनतम चुक्ता पुँजी २ अर्ब हुनु पर्छ ।
जगेडा कोषको आधारमा :
५ कम्पनी मध्ये रिलायबल नेपाल लाइफको जगेडा कोषमा सर्वाधिक ९१ करोड ०६ लाख रहेको छ भने महालक्ष्मी लाइफको सबै भन्दा कम २० करोड ८९ लाख रहेको छ।
जीवन बीमा कोषको आधारमा :
५ कम्पनी मध्ये सिटिजन लाइफको जीवन बीमा कोषमा सर्वाधिक ४ अर्ब २४ करोड रहेको छ भने महालक्ष्मी लाइफको सबै भन्दा कम १ अर्ब ५३ करोड रहेको छ।
व्यापारको आधारमा :
सिटिजन लाइफले चालु आर्थिक वर्षको प्रथम त्रैमास (३ महिना)को अवधिमा १ अर्ब २१ करोड खुद बीमा शुल्क आर्जन गरेको छ भने महालक्ष्मी लाइफले ३२ करोड मात्र खुद बीमा शुल्क आर्जन गरेको छ।
नाफाको आधारमा :
रिलायबल नेपाल लाइफले चालु आर्थिक वर्षको प्रथम त्रैमास (३ महिना)को अवधिमा ७ करोड ४५ लाख खुद नाफा गरेको छ भने महालक्ष्मी लाइफले २ करोड ५४ लाख खुद नाफा गरेको छ।
