काठमाडौं । एचआईडिसिएलको नविकेको हकप्रद शेयर २२५ रुपैयाँभन्दा माथिको लागि बोलकबोल गर्नेहरुले प्राप्त गरेका छन् । बिक्री प्रवन्धक ग्लोबल आइएमई क्यापिटलका अनुसार कम्पनीको नविकेको हकप्रद शेयर बोलकबोल आह्वान गर्दा कट अफ मूल्य २२५ रुपैयाँ कायम भएको छ ।
कम्पनीले असोज ७ गतेदेखि १४ गतेसम्म नविकेको संस्थापक समुहको तीन करोड ३० लाख कित्ता र सर्वसाधारण समुहको ३२ लाख २९ हजार ७९४ कित्ता शेयरका लागि बोलकबोल आह्वान गरेको थियो । सर्वसाधारण समुहको लागि आवेदन परेता पनि संस्थापक समुहको लागि भने प्रयाप्त आवेदन नपरेको बिक्री प्रवन्धक ग्लोबल आइएमई क्यापिटलले जनाएको छ ।
दोस्रो बजारमा कम्पनीको शेयर मूल्य ३१३ रुपैयाँ रहेको छ । बजार लगातार घट्दो क्रममा रहेकाले कम्पनीले बोलकबोल आह्वान गर्दा धेरै कममा बोलकबोल भएको छ । उक्त बोलकबोल गरिएको शेयर पनि दोस्रो बजारमा सूचिकृत हुन अझै लामो समय लाग्नेछ । यदि बजार घटिरहने र शेयर सूचिकृत हुन समय लाग्यो भने उनिहरु थप घाटामा हुने छन् । हकप्रद शेयर निष्काशन गर्नु अगाडी उचालिएको एचआइडिसिएलको शेयर हकप्रद निष्काशन पछि लगातार तल झरिरहेको छ ।
