काठमाडौं । उपत्यकामा निषेधाज्ञा हटाइएको छ । तर निषेधाज्ञा हटाइए पनि भिडभाड तथा मानिसको भिड लाग्ने जस्ता कार्य नगर्न जिल्ला प्रशासन कार्यालयले आग्रह गरेको छ । आज उपत्यकाका तीन वटै जिल्ला प्रशासन कार्यालयले ५ महिनादेखि जारी निषेधाज्ञा हटाएका हुन् ।
निषेधाज्ञा हटाइए पनि कोरोना संक्रमणको जोखि रहिरहेकाले भिडभाड नगर्न तथा स्वास्थ्य मापदण्ड अपनाउन पर्ने जनाएका छन् ।
शैक्षिक संस्थाहरुले भौतिक उपस्थितिमा पठन पाठन गर्न गराउन नपाउने तर गर्नेपर्ने भए स्मार्ट लकडाउनको पालना गरी स्थानीय तहसँग समन्वय गरी विद्यालय संचालन गर्न पाउने जनाएको छ ।
त्यस्तै, पसल, रेष्टुरेन्ट तथाहोटल व्यवसाय निर्वाध रुपमा सञ्चालन हुनेछन् । ढुवानीको हकमा भने प्रशासनले बिहान बिहान ९ बजेदखि ११ बजेसम्म र अपराह्न ४ बजेदेखि साँझ ७ बजे सम्मको समय तोकेको जनाएको छ ।
सार्वजनिक तथा निजी निर्माण कार्यको लागि निर्माण सामग्री ढुवानीको लागि बेलुका ९ बजेदेखि बिहान ५ बजेसम्म संचालन गर्न पाउने जिल्ला प्रशासन कार्यालयले जनाएको छ ।
