काठमाडौं । काठमाडौं उपत्यका भित्रका प्रमुख जिल्ला अधिकारीहरुले जनैपूर्णिमा तथा ऋषितर्पणी र गाईजात्रा लगायतका पर्वहरु मनाउदा स्वास्थ्य प्रोटोकलको पूर्ण पालना हुने गरि परम्परागत रुपमा सांकेतिक तवर मनाउन निर्देशन दिएका छन् । चाडवर्व मनाउदा भिडभाड जन्य गतिविधि नगर्न नगराउन सर्वसाधारणका लागि अनुरोध गरिएको छ ।
प्रमुख जिल्ला अधिकारीहरुले साउन २८ गतेदेखि भदौ ८ गतेसम्म कोभिड १९ को नियन्त्रण तथा रोकथापका लागि निषेध जारी गर्दै आएका छन् । हाल कोभिड १९ को संक्रमण तथा जोखिम दर उच्च रहेकोले यस अवधिमा पर्ने जाने पर्वहरुमा भिडभाड नगर्न निर्देशन दिइएको छ ।
