काठमाडौं । एशियन लाइफ इन्स्योरेन्स कम्पनीमा सात जना संचालक नियुक्त भएका छन् । कम्पनीको हिजो साउन ३१ गते सम्पन्न वार्षिक साधारण सभाबाट आगामी चार वर्षका लागि संस्थापक शेयरधनीको तर्फबाट चार जना, सर्वसाधारणको तर्फबाट दुई जना र एक जना विज्ञ सञ्चालक नियुक्त भएका हुन् ।
कम्पनीको संस्थापक शेयरधनीबाट सञ्चालकहरुमा दिपक कुमार श्रेष्ठ,सुरेन्द्र कुमार गोयल,सुशान्त चाचान र निष्ठा प्रधानाङ्ग रहेका नियुक्त भएका छन् । साउन ३१ गते बसेको सञ्चालक समितिको बैठकले दिपक कुमार श्रेष्ठलाई सञ्चालक समितिको अध्यक्षमा नियुक्त गरेको छ ।
त्यस्तै, साधारण शेयरधनीमा शौरभ रुंगटा र सजल मास्के र विज्ञ सञ्चालकमा अच्युत राज सापकोटा सर्वसम्मतले निर्वाचित भएका हुन् ।
