काठमाडौं । एनआईसी एशिया बैंकको स्वामित्वमा रहेको तीन कम्पनीको संस्थापक शेयर खरीद गन आज अन्तिम दिन रहेको छ । कम्पनीले साउन १९ गतेदेखि लिलामीमा आएको शेयरमा आवेदन दिने आज अन्तिम दिन रहेको छ ।
बैंकले मेरो माइक्रोफाइनान्सको ८९ हजार ४३९ कित्ता, नागरिक लगानी कोषको ३ लाख ५० हजार ३६९ कित्ता र आरएमडिसी लघुवित्तको ३ लाख १० हजार १६५ कित्ता शेयर पुनः लिलामीमा ल्याएको हो ।
शेयर खरीदका लागि बोलकबोल गर्न प्रतिकित्ता न्यूनतम मूल्य मेरो माइक्रोफाइनान्सको ५९५, रुपैयाँ, नागरिक लगानी कोषको १ हजार ४६३ रुपैयाँ र आरएमडिसी लघुवित्तको ५०६ रुपैयाँ तोकिएको छ । यी शेयरमा बोलकबोल गर्दा तोकिएको मूल्य वा सोभन्दा बढी मूल्य अंकित गरी बोलकबोल गर्नु पर्नेछ ।
शेयर खरीदका लागि न्यूनतम १०० कित्तादेखि अधिकतम सम्पूर्ण कित्तासम्म माग गर्न सकिने जनाउको छ । शेयर विक्री प्रबन्धकमा एनआईसी एशिया क्यापिटल लिमिटेड रहेको छ ।
