काठमाडौं । कालिका लघुवित्त वित्तीय संस्था लिमिटेडले गत आर्थिक वर्ष २०७७/७८ को चौथो त्रैमासको वित्तीय विवरण सार्वजनिक गरेको छ । गत आर्थिक वर्षको चौथो त्रैमाससम्म आइपुग्दा संस्थाले ५ करोड ५२ लाख १६ हजार रुपैयाँ खुद नाफा आर्जन गर्न सफल भएको छ । उक्त नाफा रकम गत वर्षको सोही अवधिको तुलनामा १७६४ दशमलव ३१ प्रतिशतले बढी हो । गत आर्थिक वर्षको सोहीै अवधिमा संस्थाले २९ लाख ६७ हजार रुपैयाँ मात्र खुद नाफा आर्जन गरेको थियो ।
चुक्ता पूँजी २७ करोड ७५ लाख रूपैयाँ रहेको संस्थाको जगेडा कोषमा १५ करोड ३ लाख रुपैयाँ संचिती रहेको छ । समिक्षा अवधिमा संस्थाको जगेडा कोषको आकारमा ४७ दशमलव २७ प्रतिशतले बृद्धि भएको छ ।
चौथो त्रैमाससम्म आइपुग्दा संस्थाले २९ करोड १५ लाख ६ हजार रुपैयाँ खुद व्याज आम्दानी गरेको छ । गत आर्थिक वर्षको यसै अवधिमा संस्थाले १६ करोड ७६ लाख १९ हजार रुपैयाँ खुद व्याज आम्दानी गरेको थियो ।
समिक्षा अवधिसम्ममा संस्थाको सञ्चालन नाफा भने ऋणात्मक छ । समिक्षा अवधिमा संस्थाको यस्तो मूनाफा २ करोड ६० लाख रुपैयाँ ऋणात्मक छ अघिल्लो आर्थिक बर्षमा यो ३ करोड ३४ लाख रुपैयाँ ऋणात्मक थियो ।
समिक्षा अवधिमा संस्थाको प्रतिसेयर आम्दानी १८ रुपैयाँ ८२ पैसाले बढेर १९ रुपैयाँ ८९ पैसा पुगेको छ भने प्रतिसेयर नेटवर्थ १५४ रुपैयाँ १७ पैसा रहेको छ ।
