काठमाडौं । जिल्ला प्रशासन कार्यालय काठमाडौले भोलि शनिबारदेखि मध्यम तथा लामो दूरीका सार्वजनिक यातायात सञ्चालन गर्न दिने निर्णय गरेको छ । यातायात सञ्चालनको व्यवस्था मिलाउन प्रशासनले यातायात व्यवसायीहरुलाई आग्रह गरेको छ ।
त्रिभुवन विश्वविद्यालय तथा लोक सेवा आयोग लगायतका परीक्षालाई समेत मध्यनजर गर्दै सरकारले तोकेको मापदण्ड पालना गरी सार्वजनिक यातायात चलाउन जिल्ला प्रशासन कार्यालय काठमाडौंले शुक्रबार सूचना जारी गर्दै जनाएको छ ।
यात्रुहरुलाई अनिवार्य रुपमा रुपमा काउण्टरबाट मात्रै टिकट काटेर मात्रै यात्रा गर्न प्रशासनले आग्रह गरेको छ ।
