काठमाडौं । एनआईसी एशिया बैंकको ऋणपत्र बाँडफाँड भएको छ । कम्पनीले ८ दशमलव ५ प्रतशित व्याजदरको १० वर्ष अवधिको ऋणपत्र निष्काश तथा विक्री खुला गरेको हो । कम्पनीले १ हजार प्रति ऋणपत्रका दरले ३० लाख कित्ताले हुन आउने ३ अर्ब बराबरको ऋणपत्र असार ६ गतेदेखि असार ३० गतेसम्म निष्काशन गरेको थियो ।
रितपूर्वक ऋणपत्रका लागि प्राप्त आवेदनहरु सम्पूर्ण आवेदकलाई विक्री प्रवन्धक सनराइज क्यापिटल लिमिटेडले शुक्रवार बाँडफाँड गरेको हो । ऋणपत्रको विक्री प्रवन्धकमा सनराइज क्यापिटल लिमिटेड रहेको छ ।
३० लाख कित्तामध्ये १२ लाख कित्ता सर्वसाधारणमा र १८ लाख कित्ता व्यक्तिगत तवरबाट विभिन्न संघसंस्थाहरुलाई विक्री गरेको हो । सर्वसाधारणका लागि छुट्याएको मध्ये ५ प्रतिशत दरको ६० हजार कित्ता सामूहिक लगानीकोषका लागि सुरक्षित गरिएको थियो ।
