काठमाडौं । आफ्नो बैबाहिक जीवनको २७औ बर्ष पुरा गरेको अवसरमा एक जोडीले एक अर्कालाई बीमा पोलिसी उपहार दिई मनाएका छन् । बुटवल ३ , रुपन्देही बस्ने अधिवक्ता सागर मणि पोखरेल र शिक्षिका कमला ज्ञवालीले एक कार्यक्रममा एक अर्कालाई ५० /५० लाखको बिमा पोलिसी दिई आफ्नो बर्षगाठ मनाएका छन् ।
लामो समयदेखि समाज सेवा गर्दै आएका सागर पोखरेल पेशाले अधिवक्ता, सफल सहकारीकर्र्मी , बैंकका संस्थापक लगायत विभिन्न बित्तीय क्षेत्रमा रहेका छन् साथै, उनले लामो समयदेखि बीमाको क्षेत्रमा पनि काम गर्दै आएका छन् । बिहानमा क्याम्पस र दिउसोमा सरकारी बिद्यालयमा अध्यापन गराउदै आएकी कमलाले, सिटिजन लाइफमा आफ्नो जीवनकालमा जम्मा गरेको रकमले बुढेसकालमा समेत उपयोगी हुने देखेपछि आफुहरुले बीमा गरेको बताएकी छन् ।
अधिवक्ता पोखरेलले सो कार्यक्रममा बोल्दै आजसम्म आफुले खरिद गरेका सबै बीमा पोलिसी रकम तिरिसकेपछि सकिएको तर अहिले लिएएको सिटिजन जीवन सारथी बाचुन्जेल चलिरहने र आफुलेबीमाा गरेको रकम र बोनस फिर्ता लिगीसकेपछी पनि आफ्नो सुरक्षा रहिरहने भएकाले आफुलाई यो पोलिसी मन परेको बताए ।
कार्यक्रममा बोल्दै एरिया म्यानेजर नरेश सिग्देलले उनीहरुले खरिद गरेकोे बीमा पोलिसी सबैभन्दा उत्तम रहेको बताउदै अझ बढी सफलता र सुखी जीवनको शुभकामना ब्यक्त गरे ।
