काठमाडौं । एनआईसी एशिया बैंक लिमिटेडले फेरी तीन कम्पनीको संस्थापक शेयर आजदेखि लिलामीमा विक्री खुला गरेको छ । बैंकको स्वामित्वमा रहेको महुली लघुवित्त वित्तीय संस्था, आरएमडीसी लघुवित्त वित्तीय संस्था र मेरो माइक्रोफाइनान्स लघुवित्त वित्तीय संस्थाको संस्थापक शेयर पुनः आजदेखि लिलामीमा ल्याएको हो ।
महुली लघुवित्तको ५३ हजार ७० कित्ता, आरएमडीसी लघुवित्तको ३ लाख ७३ हजार ७६५ कित्ता र मेरो माइक्रोफाइनान्सको ५६ हजार ८२८ कित्ता संस्थापक शेय लिलामीमा ल्याएको हो । उक्त शेयरमा असार ३१ गतेसम्म गोप्य शिलबन्दी बोलपत्र पेश गर्न सकिनेछ ।
महुली लघुवित्तको न्यूनतम मूल्य प्रतिकित्ता ७५२ रुपैयाँ, आरएमडीसी लघुवित्तको प्रतिकित्ता ४७३ रुपैयाँ र मेरो माइक्रोफाइनान्सको प्रतिकित्ता ५३४ रुपैयाँ तोकिएको छ । बोलकबोल गर्दा तोकिएको मूल्य वा सोभन्दा बढी मूल्य अंकित गरी पेश गर्नुपर्ने हुन्छ ।
महुली लघुवित्त वित्तीय संस्थाको शेयरमा न्यूनतम ५०० कित्ता र अन्यको न्यूनतम १०० कित्तादेखि अधिकतम सम्पूर्ण कित्तासम्म माग गर्न सकिने व्यवस्था छ । शेयर विक्री प्रबन्धकमा एनआईसी एशिया क्यापिटल लिमिटेड रहेको छ ।
