काठमाडौं । अरुण भ्याली हाइड्रोपावर डेभपमेण्ट कम्पनी लिमिटेडको अवितरित हकप्रद शेयर बाँडफाँड तथा रकम फिर्ता गरेको छ । कम्पनीले असार ९ गतेदेखि असार १६ गतेसम्म लिलामीमा विक्री खुला गरेको अवितरित हकप्रद शेयर असार २४ गते बाँडफाँड गरेको जनाएको छ ।
कम्पनीले सर्वसाधारण समूहको ४ लाख ३५ हजार ८९४ कित्ता शेयर लिलामीमा विक्री खुला गरेको थियो । कम्पनीले बाँडफाँडमा नपरेको शेयर बापतको रकम भोलि सोमवारदेखि आवेदकहरुको फारममा उल्लेख बैंक खातामा आईपीएस मार्फत पठाउने जनाएको छ ।
कम्पनीले शेयरधनीलाई आफ्नो खातामा रकम जम्मा भए नभएको यकिन गरी जम्मा नभएको खण्डमा कम्पनीको विक्री प्रवन्धक मुक्तिनाथ क्यापिटल लिमिटेड, कमलादीमा सम्पर्क गर्न समेत आग्रह गरेको छ ।
