गोरखा । माउण्टेन हर्ट नेपाल नामक गैरसरकारी संस्थाले कोरोना विरामीका लागि १० थान अक्सिजन कन्सन्ट्रेटर प्रदान गरेको छ । कोरोना महामारी तीब्र रुपमा फैलिरहेकाले बारपाकका बिरामीहरुका लागि १० थान अक्सिजन कन्सन्ट्रेटर प्रदान गरेको उक्त संस्थाले जनाएको छ ।
प्रताप अधिकारीको बिशेष पहलमा नेपाली काङ्ग्रेसका जिल्ला सभापति बारपाकका हरिबहादुर घले र संस्थाका अध्यक्ष डाक्टर अवन गौतमले उक्त सामग्री वडा सदस्य रामप्रसाद गुरुङलाई हस्तान्तरण गरेका थिए ।
सो अक्सिजन कन्सन्ट्रेटर बारपाकसम्म ल्याउन बारपाक सुलीकोट गाउँपालिकाले हेलिकोप्टर चार्टर गरेको घलेले जानकारी दिए । सो अक्सिजन कन्सन्ट्रेटर आवश्यकताको आधारमा बारपाक सुलीकोट गाउँपालिकाको अन्य वडाहरुमा पनि पठाउने समझदारी भएको सभापति घलेले जानकारी दिए । अहिले सबै अक्सिजन कन्सन्ट्रेटर बारपाक स्वास्थ्य चौकीमा राखिएको जनाएको छ ।
