काठमाडौं । नेशनल माइक्रोफाइनान्स लघुवित्त वित्तीय संस्थाको संस्थापक शेयर जेठ १६ गतेदेखि लिलामीमा विक्री खुला हुने भएको छ । कम्पनीले ८० हजार कित्ता संस्थापक शेयर लिलामीमा विक्री खुला गर्न लागेको हो ।
उक्त शेयरको न्यूनतम मूल्य १ हजार २२ रुपैयाँ तोकिएको छ । आवेदकले तोकिएको मूल्य वा सोभन्दा बढी मूल्य अंकित गरी बोलकबोल गर्नु पर्ने हुन्छ । शेयर खरीद गर्न योग्य ईच्छुक विद्यामान संस्थापक वा व्यक्ति, कम्पनी तथा संस्थाले कम्पनीले जेठ ३० गतेसम्म बोलपत्र पेश गर्न सक्ने संस्थाले जनाएको छ ।
शेयर खरीदका लागि बोलकबोल गर्दा न्यूनतम १०० कित्तादेखि अधिकतम सम्पूर्ण कित्तासम्म माग गर्न सकिने व्यवस्था छ । शेयर विक्री प्रबन्धकमा एनआईबिएल एस क्यापिटल लिमिटेड रहेको छ ।
