काठमाडौं । महालक्ष्मी विकास बैंक लिमिटेडले चैत १३ गते १९औं वार्षिक साधारण सभा गर्ने भएको छ । कम्पनीले उक्त सभा आफ्नै रजिष्टर्ड कार्यालय, दरबारमार्ग, काठमाडौंमा बिहान १० बजे गर्ने जनाएको छ । सभा भर्चुअल माध्यमबाट गर्ने बैंकले जानकारी दिएको छ ।
सभामा आर्थिक वर्ष २०७६/७७ को मुनाफाबाट शेयरधनीहरुलाई हाल कायम चुक्तपूँजीको ८ दशमलव ८० प्रतिशत बोनस शेयर कर प्रयोजनका लागि शून्य दशमलव ४६ प्रतिशत नगद लाभांश वितरण गर्ने प्रस्ताव पारित हुनेछ ।
सभामा कम्पनीको शेयर स्वामित्व परिवर्तन गरी संस्थापक समूहको ५१ प्रतिशत र सर्वसाधारण समूहको ४९ प्रतिशत कायम गर्ने, सहायक कम्पनी स्थापना गरी विभिन्न थप सेवा प्रवाह गर्न सक्ने गरी नियमावलीमा संशोधन गर्ने प्रस्ताव रहेको छ ।
बैंकले साधारण सभा र लाभांश प्रयोजनका लागि चैत ३ गते एक दिन बुक क्लोज गर्ने तयारी कम्पनीको छ । त्यसैले चैत २ गतेसम्म कायम शेयरधनीहरु मात्र सभामा भाग लिन र लाभांश प्राप्त गर्न योग्य हुनेछन् ।
