नेपाल बैंकले चालू आर्थिक वर्षको दोस्रो त्रैमाससम्म १ अर्ब ३५ करोड ४ लाख रुपैयाँ खुद नाफा आर्जन गर्न सफल भएको छ ।वित्तीय विवरण अनुसार गत वर्षको यसै अवधिको तुलनामा यो नाफा ० दशमलव १५ प्रतिशतले वृद्धि भएको हो । गत वर्ष बैंकले १ अर्ब ३५ करोड २३ लाख रुपैयाँ खुद नाफा आर्जन गरेको थियो ।
यो अवधिसम्म बैंकको वितरणयोग्य नाफा भने ६७ करोड ८२ लाख रुपैयाँ रहेको छ । संचालन मुनाफा भने गत वर्षभन्दा करीब १८ प्रतिशत वृद्धि भएको छ ।गत वर्ष १ अर्ब ७३ करोड ४६ लाख रुपैयाँ संचालन नाफा गरेको बैंकले यस वर्ष २ अर्ब ४ करोड ६२ लाख रुपैयाँ गरेको हो ।
यस वर्ष १२ प्रतिशत बोनस शेयर वितरणको प्रस्ताव पारित गरेको बैंकको चुक्ता पूँजी बोनसपश्चात १२ अर्ब ६३ करोड ६७ लाख ५८ हजार पु¥याएको बैंकको जगेडा कोष रकम साढे १२ प्रतिशत बढेर १५ अर्ब ५९ करोड ३४ लाख रुपैयाँ कायम भएको छ ।
निक्षेप संकलन गत वर्षभन्दा ५ दशमलव २७ प्रतिशत बढी रू. १ खर्ब ४८ अर्ब ९९ करोड ४८ लाख ६८ हजार भएको छ भने बैंकले गत वर्षभन्दा १ प्रतिशत बढी १ खर्ब १६ अर्ब ६१ करोड ६ लाख ७० हजार रुपैयाँ कर्जा प्रवाह गरेको छ ।
गत वर्ष २ दशमलव ६६ प्रतिशत रहेको निष्क्रिय कर्जा अनुपात यस वर्ष २ दशमलव ८८ प्रतिशत पुगेको छ । बैंकको प्रतिशेयर आम्दानी ३१ रुपैयाँ ३७ पैसा र प्रतिशेयर नेटवर्थ २५३ रुपैयाँ १८ पैसा रहेको छ ।