चन्द्रागिरी हिल्सको आइपीओ बाँडफाँड, हेर्नुहोस् नतिजा इन्स्योरेन्स खबरमा

काठमाण्डौ । चन्द्रागिरी हिल्स लिमिटेडको आईपीओ बाँडफाँड भएको छ । बिक्री प्रबन्धक ग्लोबल आईएमई क्यापिटलको कार्यालयमा आयोजित एक कार्यक्रमबीच आइपीओ बाँडफाँड भएको हो ।

चन्द्रागिरी हिल्सले गत पुस २४ गतेदेखि २८ गतेसम्म दोस्रो चरणमा सर्वसाधारणका लागि १०० रुपैयाँ अंकित दरका १५ लाख ३४ हजार ९१ कित्ता सेयरको सार्वजनिक निष्काशन गरेको थियो।

कुल कित्तामध्ये ४ प्रतिशतले हुन आउने ६१ हजार ३६४ कित्ता शेयरकर्मचारीका लागि, ५ प्रतिशतले हुन आउने ७६ हजार ७०५ कित्ता सेयर सामूहिक लगानी कोषमा बाँडफाँट गरिएको छ। सर्वसाधारणका लागि भने १३ लाख ९६ हजार २२ कित्ता आइपीओ निष्काशन गरेको थियो ।

१ लाख ३९ हजार ६०० जना आवेदकले १० कित्ताका दरले र २ भाग्यमानी आवेदकले ११ कित्ताको दरले शेयर पाएका छन् । कुल १२ लाख ११ हजार ११५ सदर आवेदकमध्येका बाँकी १० लाख ७१ हजार ५१३ आवेदकको हात भने खालि भएको छ ।

आईपीओमा १२ लाख ५१ हजार १० आवेदकले २ करोड ४४ लाख ७४ हजार ५३० कित्ताका लागि आवेदन परेकोमध्ये ३९ हजार ८९५ जनाको आवेदन रद्द भएको छ।

IPO Result

 

प्रतिक्रिया दिनुहोस्

सम्बन्धित समाचार