काठमाडौं । अरुण भ्याली हाइड्रोपावर कम्पनी लिमिटेडले जारी गर्न लागेको शतप्रतिशत हकप्रद शेयरको निष्काशन तथा बिक्री प्रबन्धकमा मुक्तिनाथ क्यापिटल लिमिटेड नियुक्त भएको छ । अरुण भ्याली हाइड्रोपावर र मुक्तिनाथ क्यापिटलबीच बिक्री प्रबन्धकका लागि सम्झौता भएको छ ।
उक्त सम्झौता पत्रमा कम्पनीको तर्फबाट कार्यकारी अध्यक्ष रमेश प्रसाद न्यौपाने तथा क्यापिटलको तर्फबाट प्रमुख कार्यकारी अधिकृत कबिन्द्र ध्वज जोशीले हस्ताक्षर गरेका हुन् ।
कम्पनीले १ बराबर १ को अनुपातमा ९९ लाख ८३ हजार २ सय ३१ कित्ता हकप्रद शेयर जारी गर्न लागेको हो । उक्त हकप्रद शेयरलाई केयर रेटिङ नेपालले ग्रेड ४ रेटिङ प्रदान गरेको छ । ग्रेड ४ रेटिङले उक्त कम्पनीको आधारभुत पक्ष औषतभन्दा तल रहेको देखाउँछ ।
कम्पनीलाई शतप्रतिशत हकप्रद निष्काशन गर्न विद्युत नियमन आयोगले श्रावण १६ गते नै अनुमति प्रदान गरेको छ ।
