काठमाडौं । बुधबार विहानै राजधानी काठमाडौंमा शक्तिशाली भुकम्पको धक्का महसुस गरिएको छ । बुधबार विहान ५ः१९ बजे करिब २० सेकेण्ड लामो भुकम्प गएको छ । राष्ट्रिय भुकम्प मापन केन्द्रका अनुसार सिन्धुपाल्चोक जिल्लाको बाह्रबिसे बजार नजिकै राम्चे केन्द्रबिन्दु भई ६.० रेक्टरस्केलको भूकम्प गएको जनाएको छ । उता, अमेरिकी भुगर्भ सम्बन्धी वेभसाईट युएसजिएसका अनुसार ५.३ रेक्टर स्केलको भुकम्प गएको हो ।
विहानै भुकम्प गएपछि कैयौं मानिसहरु मानिसहरु घर बाहिर निस्केका छन् । राजधानीका तीन वटै जिल्लासहित धादिङ, मकवानपुर, काभ्रे, सिन्धुली, दोखलासम्म भुकम्पको धक्का महसुस गरिएको छ । यो समाचार तयार गर्दासम्म मानवीय क्षति भएको खवर प्राप्त भएको छैन ।
सिन्धुपाल्चोकमा केही दिनदेखि लगातार पहिरो जाँदा सयौं मानिसको मृत्यु भएको थियो । भुकम्प बीमा गरिएको सम्पत्तिहरुको उच्च जोखिममा पार्ने प्राकृकित विपत्ति हो ।
