काठमाडौं । आवेदन भरेका सबै अर्थात एक लाख ८८ हजार ३७३ जनाले लिबर्टी इनर्जीको आईपिओ पाएका छन् । केहीबेर अघि लिवर्टी इनर्जीले निष्काशन गरेको आईपिओ बाँडफाँड गर्दै एनआईबीएल एस क्यापिटले केहीबेरमा नतिजा सार्वजनिक हुने जनाएको छ ।
लिवर्टी इनिर्जीको आईपिओमा आवेदन दिने मध्ये ९४ हजार ९०४ आवेदकलाई १० कित्ता शेयर पाएका छन् । उनीहरुले न्यूनतम १० कित्ताका लागि मात्रै आवेदन दिएका थिए । त्यस्तै, २० कित्ताका लागि आवेदन दिने सबै अर्थात ४५ हजार ४८ आवेदकले शेयर पाएका छन् ।
लिवर्टी इनर्जीको ४८ हजार २२१ आवेदकले ३० कित्ता शेयरका लागि आवेदन दिएकोमा उनीहरु समेत सबैले शेयर पाएका छन् । सो शेयर बाँडफाँड गर्दा ३० कित्तासम्म वितरण गर्दा बाँकी रहन आएको शेयर दुई लाख ५६ हजार २०० कित्ता शेयर भने २५ हजार ६२० जना आवेदकलाई गोलाप्रथामार्फत वितरण गरिएको छ ।
लिवर्टी इनर्जीले निष्काशन गरेको आईपीओ कुल १ लाख ८८ हजार ४९९ वटा आवेदन परेकोमा १२६ वटा आवेदन रद्ध भएको थियो ।
