काठमाडौं । नेशनल लाईफ इन्स्योरेन्स कम्पनीले प्रदेश नेतृत्व तहदेखि प्रशिक्षार्थी तहसम्म नयाँ कर्मचारी भर्ना गर्ने भएको छ । कम्पनीले आज सूचना जारी गर्दै प्रदेश प्रमुख, ब्रान्च इन्जार्ज–बजार र सहायक– प्रशिक्षार्थीमा नयाँ कर्मचारी भर्ना गर्न आवेदन माग गरेको हो ।
कम्पनीद्वारा जारी सूचनामा आवश्यक संख्या खुलाइएको छैन । यद्यपि प्रदेश प्रमुख ७ जना भन्दा बढि हुने छैन भने ब्रान्च इन्चार्जको संख्या केही बढि हुने छ । त्यस्तै, प्रशिक्षार्थीको संख्या दर्जनौं हुनसक्ने कम्पनीले जनाएको छ ।
नेशनल लाईफ इन्स्योरेन्स कम्पनीको प्रदेश प्रमुख पदमा आवेदन दिनको लागि पाँच वर्षको कार्य अनुभव हुनु अनिवार्य छ भने शैक्षिक योग्यता स्नातक तह उत्तीर्ण हुनुपर्ने उल्लेख छ । त्यसैगरी, शाखा इन्चार्जको लागि समेत स्नातक तहको शैक्षिक योग्यताको साथै शाखा सञ्चालन गर्न सक्ने नेतृत्वदायी क्षमता भएको व्यक्तित्व हुनुपर्ने उल्लेख गरेको छ ।
त्यस्तै प्रशिक्षार्थी सहायक पदमा आवेदन दिनको लागि उच्च शिक्षा अर्थात १२ कक्षा वा प्रविणता प्रमाणपत्र तह उत्तीर्ण गरेको व्यक्ति हुनुपर्ने कम्पनीले जनाएको छ ।
