काठमाडौं । ग्लोबल आइएमई लघुवित्तले शेयरधनीको डिम्याट खातामा बोनस शेयर जम्मा गरेको छ ।लघुवित्तले गत आर्थिक बर्षमा सम्पन्न वार्षिक साधारण सभाबाट पारित १७ दशमलव ५० प्रतिशत बोनस शेयर शेयरधनीको डिम्याट खातामा जम्मा गरेको हो । कम्पनीको शेयर रजिष्ट्रारमा ग्लोबल आइएमई क्यापिटल रहेकोे छ ।
त्यस्तै, लघुवित्तले २०७६ कात्तिक २५ गतेसम्म अभौतिकीकरणका लागि प्राप्त भएका शेयरधनीको बोनस शेयर सम्बन्धित शेयरधनीको डिम्याट खातामा जम्मा गरिएको र सो मिति पश्चात शेयर अभौतिकीकरण गराएका शेयरधनीको हकमा पनि क्रमशः जम्मा गर्दै जाने भएकाले भौतिक शेयर यथाशिघ्र अभौतिकीकरण गर्न कम्पनीले जनाएको छ ।
साथै कम्पनीले आर्थिक बर्ष २०७२/७३ को नगद लाभांश प्राप्त नगरेका शेयरधनीले आफ्नो हितग्राही खातामा बैंक खाता अद्यावधिक गराएपछि नगद लाभांश गर्न सक्ने भएका छन् ।
