काठमाडौं । अजोड इन्स्योरेन्स कम्पनीको आइपीओ भर्ने अन्तिम दिन सम्म ६ गुणा बढी आवेदन परेको छ । कम्पनीको बिक्रि प्रबन्धक एनआईबिएल एस क्यापिटलका अनुसार आइतबार बेलुका पाँच बजेसम्ममा चार लाख ९१ हजार लगानीकर्ताले करिब १ करोड ८९ लाख ३ हजार ७ सय ५० कित्ता अर्थात् एक अर्ब ८१ करोड ३ लाख ७५ हजार रुपैयाँ बराबरको आवेदन परेको जनाएको छ।
इन्स्योरेन्सले असार २५ गतेदेखि ३० करोड रुपैयाँको आईपिओ बिक्रि खुला गरेको हो । जसमध्ये चार प्रतिशत ( एक लाख २० हजार कित्ता) कर्मचारीको लागि र पाँच प्रतिशत (एक लाख ५० हजार कित्ता) म्युचअल फन्डको लागि छुट्याइएको छ । बाँकि रहेको २७ लाख ३० हजार कित्ताको लागि सर्वसाधारणको लागि आवेदन दिन सक्ने व्यवस्था गरेको थियो।
यसमा आस्वा सदस्य भएका सबै बैंक तथा वित्तीय संस्थाबाट आवेदन दिन सक्नेछन् । मेरो शेयर मार्फत पनि आवेदन दिन पाईन्छ । हाल कम्पनीको चुक्ता पुँजी ७० करोड रुपैयाँ रहेको छ । आइपीओ निष्काशन पश्चात् कम्पनीको चुक्ता पुँजी १ अर्ब पुग्नेछ ।