काठमाडौं । प्रुडेन्सियल इन्स्योरेन्स कम्पनीको यसअअघि स्थगन भएको हकप्रद शेयरको बिक्री पुनः खुलेको छ । कम्पनीले यसअघि फागुन १८ गतेबाट ६० प्रतिशत हकप्रद शेयर खुल्ला गरेको थियो । लकडाउनको कारण कम्पनी उक्त हकप्रद चैत ११ गते स्थगन गरको थियो । सोहि हकप्रदलाई कम्पनीले पुन : खुल्ला गरेको हो । जसमा असार १९ गतेसम्म आवेदन दिन सक्ने व्यवस्था गरेको छ ।
कम्पनीको हकप्रद बिक्री प्रबन्धक एनएमबि क्यापिटलले रहेको छ । कम्पनीले चुक्ता पूँजी कायम गर्न १० बराबर ६ कित्ता अनुपातमा कूल ३८ लाख ४९ हजार १२० कित्ता हकप्रद शेयर बिक्री खुला गरेको हो।
हाल कम्पनीको चुक्ता पुँजी ६४ करोड १५ लाख २० हजार रुपैयाँ रहेको छ हकप्रद निष्कासनपश्चात् कम्पनीको चुक्ता पुँजी १ अर्ब २ करोड ६४ लाख ३२ हजार रुपैयाँ पुग्नेछ ।
हकप्रद निष्काशनका लागि कम्पनीको माघ २७ बुक क्लोज गरेकाले यस हकप्रदमा माघ २६ गतेसम्म मात्र दिन सक्ने कम्पनीले जनाएको छ । उक्त हकप्रद मा असार १९ गतेसम्म आवेदन दिन सक्ने छ ।