काठमाण्डौँ । मेटलाईफ नेपालले ह्याबिट्याट फर ह्युम्यानिटिलाई सहयोग गरेको छ । संस्थाका एक सय तीस जना कर्मचारीहरुले माघ २९ देखि फागुन २ गतेसम्म ह्याबिट्याट फर ह्युम्यानिटिसंग सहकार्य गरी पाँँचखाल काभ्रेको भुकम्प प्रभावित क्षेत्रमा आवास पुननिर्माण कार्यमा स्वयंसेवकको रुपमा संलग्न भएका हुन् ।
स्वयंसेवीको टोलीमा मेट लाइफ नेपालको भाइस प्रेसिडेन्ट र जेनेरल म्यानेजर निर्मल काजी श्रेष्ठसंगै हेड अफ अपरेसन, राम कुमार यादव सामेल भएका थिए। समुदायको अवास निर्माण गर्ने कार्यमा स्वयंसेवीहरु स्थानीय समुदाय सँगसंगै ढुंगा फुटाउने, इट्टा बोक्ने र स्वेलिङ गर्ने जस्ता कार्यमा संलग्न भएका थिए ।
मेट लाईफले एसियाका धेरै देशमा ह्याबिट्याट फर ह्युम्यानिटिसंग विभिन्न आयोजनाहरुमा काम गरिसकेको छ । सन् २०१९ मा मेटलाइफका ८,१०० भन्दा बढि स्वयंसेवीले एसियाका ९ देशमा २५,००० भन्दा बढी घण्टा समयको योगदान दिइसकेका छन् ।
सन् १९७६ देखि ह्याबिट्याट फर ह्युम्यानिटि सञ्चालन भएको हो । आवास उपलब्ध गराउने यो संस्था विश्वकै प्रमुख गैर नाफामुलक संस्थाको रुपमा विकसित भई ७० भन्दा बढि देशमा काम गरिरहेको छ ।
सन् १९८३ देखि एसिया प्रशान्त क्षेत्रमा ह्याबिट्याट फर ह्युम्यानिटिले ३.५ मिलियन भन्दा बढि मानिसहरुलाई आवास बनाउन वा सुधार गर्न सहयोग गरेको छ ।
