काठमाडौं । हिमालयन बैंकले माघ २९ गते २७ औं वार्षिक साधारण सभा गर्ने भएको छ । उक्त सभा त्रिभुवन आर्मी अफिसर्स क्लबमा बिहान ११ बजेदेखि सुरु हुने जनाएको छ ।
बैंकको साधारण सभा तथा लाभांश वितरणका लागि माघ १३ देखि २९ गतेसम्म सेयरधनी दर्ता पुस्तिका (बुक क्लोज) गर्ने भएको छ । माघ १२ गतेसम्म सेयर खरिद गर्ने लगानीकर्ताले लाभांश पाउनेछन् ।
साधारण सभामा बैंकले २२ प्रतिशत लाभांश दिने प्रस्ताव पारित गर्ने छ । बैंकले लगानीकार्तालाई गत वर्षको मुनाफाबाट १० प्रतिशत बोनस र करसहित १२ प्रतिशत नगद लाभांश दिने निर्णय गरेको हो ।
त्यस्तै, सभामा बैंकको सहायक कम्पनी हिमालयन क्यापिटल लिमिटेडको आर्थिक वर्ष २०७५र०७६ को वित्तीय विवरण सहितको एकिकृत वित्तीय विवरण स्वीकृत गर्ने रहेको छ भने आव २०७६र०७७ का लागि लेखापरीक्षक नियुक्त गरी पारिश्रमिक निर्धारण गर्ने योजना समेत रहेको छ ।
हाल बैंकको ८ अर्ब ५२ करोड २ लाख रुपैयाँ चुक्ता पुँजी रहेको छ । प्रस्तावित बोनस वितरणपछि ९ अर्ब ३७ करोड २३ लाख रुपैयाँ पुग्नेछ ।
