नेपाल लाईफका केसीले १४ दिनमै पूरा गरे एमडिआरटी लक्ष्य

6741

काठमाडौं । नेपाल लाईफ इन्स्योरेन्स कम्पनी सन् २०२० देखि औपचारिक रुपमा एमडिआरटीमा आबद्ध भएको छ । यसअघि अप्रत्यक्ष रुपमा एमडिआरटीमा आफ्ना अभिकर्ताहरुलाई सहभागी गराउँदै आएको कम्पनीले यस पटकदेखि औपचारिक रुपमा आबद्ध भएको हो ।

कम्पनी एमडिआरटीमा आबद्ध भएको १४ दिनमै काठमाडौंस्थित बुढानिलकण्ठ शाखामा काम गर्ने सिनियर एजेन्सी म्यानेजर जीवन केसीले एमडिआरटीको लक्ष्य पुरा गर्न सफल भएको कम्पनीले जनाएको छ । हरेक वर्ष जनवरी १ देखि डिसेम्वर अन्तिमसम्ममा एक वर्षमा ४४ लाख १६ हजार रुपैयाँ बीमा शुल्क आर्जन गर्ने अभिकर्ता एमडिआरटीमा छनौट हुनेछन् ।

सिन्धुली घर भई काठमाडौंको बुढानिलकण्ठमा एजेन्सी कार्यालय सञ्चालन गर्दै आएका केसीले १४ दिनमै आफ्नो लक्ष्य पूरा गर्न सफल भएका हुन् । सो अवधीमा केसीले १५ वटा पोलिसी बिक्री गरी ४६ लाख रुपैयाँ बीमा शुल्क आर्जन गर्न सफल भएको इन्स्योरेन्स खवरलाई बताए ।

चार पटक नेपाल लाईफ इन्स्योरेन्सको राष्ट्रिय प्रथम भएका केसी तीन पटक लगातार प्रथम भएर ह्याट्रिक गर्न सफल भइसकेको केसीले बताए । हालसम्म एक हजार आठ सयभन्दा बढि व्यक्तिको जीवन बीमा गराएर सफल एजेन्सी म्यानेजर बनेका केसीले कम्पनीप्रति बफादार, आम जनताबीचमा विश्वास आर्जन गर्न सकेमा व्यापार गर्न सहज हुने सुझाव दिन्छन् ।

यसमा तपाइको मत

कृपया आफ्नो प्रतिक्रिया दिनु होला ।
कृपया आफ्नो नाम यहाँ लेख्नु होस्