काठमाडौं । नयाँ नेपाल लघुवित्तको साधारण सभा पुस १९ गते हुने भएको छ । कम्पनीको मंसिर २३ गते बसेको संचालक समिसतिको बैठकले एघारौ साधारण सभाको मिति तय गरेको हो । सभा होटल जुगाल धुलिखेल काभ्रेमा हुने संस्थाले जनाएको छ ।
कम्पनीले पुस ३ गतेदेखि पुस १९ गतेसम्म बुक क्लोज गर्ने भएको छ । तसर्थ, पुस २ गतेसम्म सेयर खरिद गर्ने लगानीकर्ताले संस्थाको सभामा भाग लिन र २० प्रतिशत बोनस सेयर पाउन सक्नेछन् ।
सभामा संस्थाले अन्य कुनै संस्थासँग गाभ्ने गाभिने वा प्राप्तिको निर्णय पश्चात कायम हुन आउने चुक्ता पुँजीको १ः१ अनुपादमा हकप्रद जारी गर्ने प्रस्ताव पनि पेश गर्ने उल्लेख गरेको छ ।
सभामा वार्षिक प्रतिवेदन उपर छलफल गर्ने, नाफा नोक्सान हिसाब तथा नगद लगायतका विभिन्न प्रस्तावहरु रहेका छन् ।
