गुराँस लाईफको बीमा शुल्क आर्जन २४ प्रतिशतले वृद्धि हुँदा, अरु के भयो ?

1100

गुराँस लाईफ इन्स्योरेन्सले चालु आर्थिक वर्षको प्रथम त्रैमासको वित्तीय प्रतिवेदन सार्वजनिक गरेको छ।

कम्पनीले चालु आर्थिक वर्षको प्रथम त्रैमासमा ३ करोड १९  लाख खुद नाफा गरेको छ।  गत वर्ष सोही अवधिमा कम्पनीले २  करोड ४३  लाख कमाएको थियो। यस अवधिमा पुँजी वृद्धि ५८  प्रतिशत तर कम्पनीको खुद नाफामा ३१ प्रतिशतको वृद्धि देखिएकाले कम्पनीको प्रति शेयर आम्दानीमा गिरावट आएको छ तर जीवन बीमा कम्पनीहरुको हकमा भने एक्चुअरी पश्चात मात्र वास्तविक प्रति शेयर आम्दानी र नाफा प्राप्त हुने छ। कम्पनीको वार्षिक प्रति शेयर आम्दानी १३ रुपैयाँ ६२ पैसा रहेको छ।

कम्पनीको जगेडा कोष ८  प्रतिशतले वृद्धि हुँदै ३० करोड  ९८ लाख पुगेको छ भने जीवन बीमा कोष ३६  प्रतिशतले वृद्धि हुँदै ६ अर्ब २३ करोड पुगेको छ।

खुद बीमा शुल्क आर्जन रकम २६ प्रतिशतले वृद्धि हुँदै ४४ करोड ८५ लाख पुगेको छ भने खुद दावी भुक्तानी ११२  प्रतिशतले वृद्धि  हुँदै ७ करोड  ५० लाख पुगेको छ।

भुक्तानी हुन् बाँकी दावी १७० प्रतिशतले वृद्धि हुँदै ८८ लाख ९५ हजार पुगेको छ।

यसमा तपाइको मत

कृपया आफ्नो प्रतिक्रिया दिनु होला ।
कृपया आफ्नो नाम यहाँ लेख्नु होस्