काठमाडौं । मुक्तिनाथ विकास बैंकले १८ दशमलव ५३ प्रतिशत लाभांश दिने घोषणा गरेको छ । बैंकको बिहीबार बसेको सञ्चालक समिति बैठकले १७ दशमलव ६० प्रतिशत बोनस सेयर र बोनसमा लाग्ने कर प्रयोजनका लागि ० दशमलव ९३ प्रतिशत नगद लाभांश दिने प्रस्ताव गरेको हो ।
बैंकले हालै बिक्री गरेको २० प्रतिशत हकप्रद सेयरपछि कायम ३ अर्ब ६७ करोड ७७ लाख रुपैयाँबाट लाभांश दिन लागेको हो । तसर्थ, प्रस्तावित लाभांश २० प्रतिशत हकप्रद भर्नेले पनि पाउने बैंकले जनाएको छ ।
प्रस्तावित बोनस वितरणपछि बैंकको चुक्ता पुँजी ४ अर्ब ३२ करोड ४९ लाख ८९ हजार पुग्नेछ । बैंकले कुल ६४ करोड ७२ लाख ७७ हजार रुपैयाँ बराबरको बोनस सेयर वितरण गर्नेछ । बोनसमा लाग्ने कर तिर्न ३ करोड ४० लाख ६७ हजार रुपैयाँ छुट्याएको छ ।
नियामक निकाय नेपाल राष्ट्र बैंक र बैंकको आगामी साधारण सभाबाट अनुमोदन भएपछि मात्र शेयरधनीहरुले उक्त प्रस्तावित लाधांश पाउनेछन् ।
