काठमाडौं । आज बुधबार शेयर बजार सामान्य अंकले घटेको छ । आज नेप्से ५ दशमलव ०१ अंकले घटेर १,१३७ दशमलव ०३ को विन्दुमा कायम भएको छ । आज विकास बैंक, हाइड्रोपावर र म्युचल फण्ड बाहेक सबै उपसूचक घटेका छन् । सबैभन्दा धेरै १८ अंकले उत्पादनमुल घटेको छ ।
आज दिनभरिमा १ सय ५९ कम्पनीको ७ लाख ३६ हजार ८ सय ८३ कित्ता शेयर किनबेच हुँदा १९ करोड ६६ लाख १८ हजार ९ सय ६३ रुपैयाँको कारोबार भएको छ । सबैभन्दा धेरै प्रभु बैंकको ५ करोडमाथिको कारोबार भएको छ ।
त्यसैगरी नेपाल लाइफको १ करोड ११ लाख रुपैयाँको कारोबार भएको छ । मेरो माइक्रोफाइनान्स र एभरेष्ट बैंकको ७० लाखमाथिको कारोबार भएको छ । एनआइसी एशिया बैंकको ५९ लाख रुपैयाँभन्दा बढीको कारोबार भएको छ ।
सबैभन्दा धेरै ग्लोबल आइएमई समुन्नत स्किम १ का लगानीकर्ताले ३ प्रतिशतका दरले कमाएका छन् भने सबैभन्दा धेरै सिद्धार्थ बैंका लगानीकर्ताले ४ प्रतिशतका दरले गुमाएका छन् ।
